لاقتراحات اماكن الخروج
بعد الانتقادات الموجهة إلى مسلسل «رجالة البيت»، بطولة الفنانين أحمد فهمي وأكرم حسني، علق الفنان عمرو وهبة عن المسلسل، وقال: «من حق الناس تعترض وتتريق وتسف وأنا بدأت أصلًا بفيديوهات تريقة على أعمال وممثلين».
أضاف «وهبة» عبر «انستجرام»: «والله مش بابرر لحد والحمد لله مش محتاج من حد فيهم حاجة وماحدش طلب منى أدافع وظروف التصوير وضيق الوقت وكورونا مش مبرر كافي إن عمل يطلع وحش، بدليل أن في أعمال تانية طلعت كويسة».
تابع: «لكن الأكيد أن مفيش حد بيبقى عايز يفشل ومفيش حد مش بيتعب. أحمد فهمى وأكرم حسنى وأيمن وتار عنده أعمال كتير ناجحة، وأستاذ أحمد الجندى أهم مخرج كوميدى في مصر في آخر كام سنة. فلو عمل متوفقش ده لا ينفي الموهبة بدليل أن بيومى فؤاد اتهاجم في المسلسل ده والناس أشادت به في مسلسل (خيانة عهد وهو بطولة الفنانة يسرا)».
وقال إن المسلسل لم يعجبه، معقبا: «لو في عمل معجبش معظم الناس وأنا طبعاً منهم بصراحة وارد وبيحصل وحصل لناس ورجعوا تاني ولو ماحصلش لناس فا أكيد هيحصلهم في يوم».
وختم قائلًا: «التوفيق جزء من الشغلانة وخصوصًا في حتة الكوميدي اللى هي أصعب حتة خصوصًا مع شعب دمه خفيف ومش بيضحك بسهولة وسوشيال ميديا مخلية سقف الضحك يعلى كل يوم، حق الناس تزعل وحق اللى متوفقش أنه يأخد فرصة تانية طالما مش العادى بتاعه».
ويشارك «وهبة» في السباق الرمضاني بدور عشيق ابنة الفنان عادل إمام في مسلسل «فلانتينو»، وأعرب عن سعادته في تجربة التمثيل أمام الزعيم، قائلًا: «اللى كان بيحصل وأنا بصور المشاهد مع أستاذ عادل إمام أو السنة اللى فاتت مع أستاذ سمير غانم مش خوف ورهبة على قد ما هو كان تتنيحه كده أن إيه ده!».
أضاف: «الناس دى اللى كنت بأجر مسراحيتهم فيديو أو اتفرج عليهم في الأعياد في التلفزيون وكل ما أبص في وشهم افتكر إفيه قالوه أو مشهد عملوه وأنا دلوقتى وأقف قدامهم وبمثل معاهم وبيكلمونى أنا بقول سبحان الله والحمد لله»
وتدور أحداث مسلسل «رجالة البيت» حول تيمون وبومبا اللذان ينتقلان للإقامة في منزل جدهما، وهناك يفاجآن بأن عليهما تحمل المسئولية كاملة، والتكاتف مع بقية أفراد الأسرة من أجل الوقوف بوجه مالك البيت الذي يقطنه جدهما والذي يحاول أخذه منه لبناء برج سكني، والعمل من إخراج أحمد الجندي وتأليف أيمن الوتار.
ومنذ أيام، علق الفنان بيومي فؤاد على الانتقادات الموجهة إلى المسلسل، وأرجع السبب في التقصير إلى التصوير الداخلي المتكرر الذي أظهر العمل كمجموعة من الاسكيتشات، وذلك بسبب إجراءات الإغلاق لمواجهة انتشار وباء كورونا.
وأصدر بيومي فؤاد بيانا لتوضيح تصريحه «المسلسل سخيف ودمه تقيل»، قال فيه: «إذا رأى البعض أن المسلسل لا يضحكهم فهذا حقهم، وهو كعادة الأعمال المختلف عليها تلقى اتصالات وإشادات من جمهور اعتبر المسلسل تمتع بالكوميديا الخفيفة التي يمكن متابعتها دون التركيز في الخطوط الدرامية».
وأشار «فؤاد» إلى أنه يجب وضع ظروف التصوير الصعبة في الاعتبار، مؤكدا اعتزازه بزملائه الفنانين وفريق العمل بالكامل واستعدادهم لأعمال أخرى مقبلة فالجمهور لا يحكم على الفنان من عمل واحد.
من جهته، اعتذر أحمد فهمي للجمهور عبر «انستجرام»، قائلًا: «إن شاء الله اللي جاي أحسن. أنا مبحبش أدي مبررات، وزعلان إني خذلتكم وأوعدكم بفيلم أقوى».
-
الوضع في مصر
-
اصابات
11,719
-
تعافي
2,950
-
وفيات
612