عمر مرموش: هدفي تقديم الأفضل دائما في كل مباراة (فيديو) - خليج نيوز

أكد عمر مرموش، نجم منتخب مصر ومهاجم نادي آينتراخت فرانكفورت، أن هدفه في كل مباراة يشارك فيها هو تقديم أفضل أداء ممكن.

عمر مرموش يتحدث عن الحفاظ على مستواه في الملعب

وأضاف «مرموش» خلال حواره مع الإعلامية إسعاد يونس، في برنامج «صاحبة السعادة» المُذاع على قناة «dmc»، قائلًا: «لما بلعب ماتش ببقى عايز أكون بلعب أحسن ماتش، والفرق عندي بين السنة اللي فاتت والسنة دي إني بقيت أتحكم في كل اللي حواليا، لاعيبة الكورة بيمروا بضغوط كتير جدًا، سواء من أصحابهم، أهلهم، أو حتى الجمهور، وكمان لما ترجع من ماتش، بتفكر في الماتش اللي جاي بعد 3 أو 4 أيام، وده بيحتاج إنك تفضل محافظ على مستواك».

مفهوم الثقة بالنفس عند مرموش 

وتابع عمر مرموش: «معروف إن الكورة يوم فوق ويوم تحت، المهم إنك تحط بينك وبين نفسك مستوى معين عايز تثبت عليه، لما تلعب ماتش وتجيب جون، مش معناه إنك تطير وتتعامل مع الناس بطريقة وحشة، ولما تلعب وحش، مش معناه إنك تفقد ثقتك في نفسك».