إمام عاشور: الخطيب قال لي لا تخسر جمهور الزمالك.. ومعرفش عقدي كام في الأهلي

علق إمام عاشور، نجم الأهلي ومنتخب مصر، على العديد من الأمور المتعلقة بمسيرته، وتواجده في المارد الأحمر، ورغبته في العودة للزمالك.

وكان إمام عاشور خاض تجربة قصيرة في نادي ميتلاند الدنماركي، قبل أن يعود إلى مصر من بوابة الأهلي.

وقال إمام عاشور في تصريحات لقناة الأهلي: “قلتلهم في الزمالك أنا راجع وعايز أرجع مش هكمل احتراف، قالولي أه حاضر”.

وواصل: “أسبوع جاب التاني ومحدش عايز يكلمني وأنا كل دا اللي بتكلم وبقولهم عايز أرجع، لقيت حد مسؤول في النادي بيقولي ادفع الفلوس انت 2 مليون دولار واخلص منهم وارجعلنا ببلاش”.

وأضاف: ” أنا معروف عني أني بحب أكسب وبحب البطولات، لما جالي أمير توفيق أمضي والله ما بصيت في عقود ولا اتكلمنا في فلوس”.

وتابع: “أنا لحد وقتنا هذا معرفش عقدي كام، أنا بتعامل معاملة في الأهلي كلها حب من المسؤولين وتقدير وحب كبير من جمهور الأهلي”.

واختتم إمام عاشور: “كابتن الخطيب قالي جملة واحدة لما قابلني أول مرة، قالي “ركز في الملعب ومتخسرش جمهور نادي الزمالك”.

امام عاشور: