قال أمير مرتضى منصور المشرف العام السابق على فريق الكرة بنادي الزمالك، بأنه كان يعلم رحيل مجلس مرتضى منصور عقب نهائي القرن أمام النادي الأهلي، وأنه ممنوع حاليا من دخول نادي الزمالك بجانب أسرته، ويستعرض موقع تحيا مصر تصريحات أمير مرتضى منصور.
تصريحات أمير مرتضى منصور
وأضاف أمير مرتضى منصور في تصريحاته بودكاست ملعبنا على قناة المشهد مع الإعلامي لطفي الزغبي، أتشرف بأن أعيش في جلباب المستشار مرتضى منصور، وورثت منه المبادئ وأحمد مرتضى هو نفس شخصية مرتضى منصور بالكامل.
وتابع أمير مرتضى منصور، من الصعب أني اتعصب في ظهوري الإعلامي ومينفعش أعمل زي أبويا وأخويا ولازم أكون هادي وفي الحقيقة أنا عصبي وبتخانق ولكن بتحكم في نفسي، ومرتضى منصور هو المخ والعضلات.
وأكمل أمير مرتضى منصور، مشكلة مرتضى منصور الوحيدة أنه بيتعصب بسرعة، وفي البيت عمره ما بيتعصب وهو طيب جدا جدا وصوته هادي، وهو بيتعصب بسبب الوسط الرياضي، وأنا اتجوزت لمدة 15 سنة وانفصلنا من سنة ونص وكل حاجة ليها عمر افتراضي، وبفكر اتجوز تاني وأم أولادي كانت من ليبيا ومراتي التانية هتكون من سوريا إن شاء الله.
وأردف أمير مرتضى منصور، مرتضى منصور خجول جدا ولكن في الحق من الصعب يكون خجول، وعلمني أنا وأخويا نكون رجالة وعلمنا التسامح، والإعلام الرياضي في مصر محتاج تطوير لأنه أصبح نمطي، وأنا حاليا ممنوع من دخول نادي الزمالك وقرروا إيقاف عضويتي أنا وأبويا وأخويا.
واختتم أمير مرتضى منصور تصريحاته، مسئول في وزارة الشباب والرياضة كلمني قبل نهائي القرن أمام الأهلي وقالي جهزوا نفسهم علشان هتمشوا قريب، ولو كان الزمالك كسب نهائي القرن كنا هنكمل في النادي وقالوا إننا هنمشي بسبب مخالفات إدارية.
