حل الفنان حسن الرداد ضيف على برنامج جوسيبس والمذاع على قنوات الشركة المتحدة للخدمات الإعلامية هذه المرة، بعدما كان يقدم بشكل أساسي على صفحتهم الرسمية بمواقع التواصل الاجتماعي المختلفة.
تصريحات حسن الرداد عن الجواز
وتحدث حسن الرداد في تصريحات رصدها موقع تحيا مصر عن الجواز ورأيه فيه، قائلا: أنا بنصح كل الناس تتجوز بدري هو فيه تعب شوية بس الجواز بدري حلو وبقول دايما ياريتني اتجوزت من زمان.
وتطرق بحديثه عن ارتداء الدبلة، فقال: الدبلة أما تتلبس بيجي معاها الحب والأمان وفي نفس الوقت المشاكل ورايح فين وجاي منين، ولكن أنا مش بلبسها خالص بسبب انها كبيرة وبتعملي حساسية وأنا كدة كدة ممثل يعني كل الناس عراقة إني متجوز فلبسها أو عدمه مش هيفرق.
ماذا يفعل حسن الرداد عندما ترفض ايمي عمله مع ممثلة ما؟
وبسؤاله " لو إيمي قالتلك متشتغلش مع الممثلة دي مش بتنزلي من زور هتعمل اي؟"، رد حسن الرداد على هذا الأمر، قائلا: "مش هشتغل معاها هعمل اي يعني أنا غلبان والله".
وكان قد تحدث حسن الرداد عن عودة إيمي سمير غانم، قائلا: أنا بقول لـ إيمي أنتي سمير غانم وهو صغير، لازم تعملي لينا أفلام ومسلسلات كوميدية لأن عندها موهبة كبيرة، وحرام تبقى عندها طاقة كوميدية ومكسلة إنها تشتغل، وكان في ظروف مرت بيها العيلة خلتها مش عايزة تشتغل وقعدت أضغط عليها وأحمسها ترجع تشتغل والمنتجين السنين اللي فاتت كانوا بيكلموها ويبعتولها أفلام ومسلسلات، ان شاء الله ترجع بقوة في مسلسل عقبال عندكوا في رمضان 2025.
تفاصيل مسلسل عقبال عندكم
مسلسل عقبال عندكم من بطولة حسن الرداد، إيمي سمير غانم، عارفة عبد الرسول، محمد ثروت، علاء مرسي، سليمان عيد، حجاج عبدالعظيم، ريهام الشنواني، وغيرهم، ويتضمن العمل حكاية مختلفة كل حلقتين في إطار اجتماعي ملئ بالكوميديا والدراما ويظهر الثنائي في دور زوجين تجمع بينهم العديد من المواقف والأحداث الشيقة، ومن المتوقع أن يحقق المسلسل نجاحًا جماهيريًا كبيرًا فور طرحه عبر شاشات التلفزيون المختلفة في الموسم الرمضاني المقبل.
