"هاتحرش بيك".. قصيدة نشرت بمجلة "الثقافة الجديدة" وهاجمها الأدباء خليج نيوز

تداول مستخدمو السوشيال ميديا قصيدة كتبها حسام العقدة وذكروا أنها نشرت بمجلة “الثقافة الجديدة”، وعلق الكثير بأن القصيدة لا يصح أن تنشر.

القصيدة كما يظهر في جزء منها نشرت في الصفحة رقم 81 عدد أبريل من مجلة الثقافة الجديدة في باب إبداع، ونشرها العديد من المثقفين على صفحاتهم معلقين بأنها لا يصح أن تنشر في مجلة الثقافة الجديدة.

وكانت المجلة قد نشرت القصيدة على الصفحة الخاصة بها بموقع التواصل الاجتماعي “فيسبوك”، ثم قامت بحذفها مرة أخرى بعد انتشار القصيدة من قبل المثقفين وتعليقاتهم عليها.

وكتب محمد عكاشة عبر صفحته على “فيسبوك”: “فضيحة.. مجلة الثقافة الجديدة نشرت في هذا العدد أبريل 2025 هذا النص العامي.. أرجو من الأصدقاء الاطلاع عليه”.

فيما كتبت الأديبة وفاء شهاب الدين: “مجلة الثقافة الجديدة بجلالة قدرها.. إيه القرف ده؟”.

كلمات القصيدة

تقول كلمات القصيدة التي عنونها حسام العقدة بـ "رسايل مجنونة".

لو قدرت أي وقت تكلمني إبعت لي

ولو مش فاضي.. خلاص

خلاص..؟

وها تحرش بيك

دام لي صباحك.. 

عامل إيه يا حبيبي؟

الكلمه دى شفاء لي

من كل علل الحياة

عاوزه اسمع أغنية «مداح القمر» حالا

من امبارح وانا سرحانه فيها

باقمع باميه.. وها شغلها.. 

خاصة المقطع اللى بيقول فيه "انت أحلى الناس في نظري

جل من سواك يا عمري"

تعرف.. انا فكرت في حاجه 

فكرت اقفل النت

اقعد أكلمك

وانت ترد عليه

یعنیى هاقوم بالدورين

انت.. وانا

وافضل أتكلم معاك واحكى لك

حاجات كتير..

ولما أخلص خالص

وانت تنام مني.. 

امسح الشات اللي بيني وبينك

قبل ما افتح النت..

حلوه الفكره؟!

واسهر معاك..

ماهو يا حبيبى أحسن ما أتجنن 

مانا بكلم نفسى وانت معايا

بص..

انا من وحدتى وتفكيرى

اللى مش بينتهى.

فكرت أشتغل أونلاين

علشان أشغل وقتى...

وما يكونش عندي مجال للتفكير

أي شغل.. زي مثلا

اسوّق حاجات من على النت

أو كول سنتر

أصحابي قالوا لي..

الزبون اللي هيسمع صوتك..

 هيشقطك..!

المهم.. 

لاقيت إعلان واحده..

عاوزه حد يشتغل معاها

بعت لها.. 

ومش قادره أقول لك اللى حصل!

انا ها حول لك بس

رساله واحده منها

حد طايل...... في الزمن ده؟!

 شوفت الصدمه؟!

أنا باقول لها حرام عليكى...

ردت عليه بالرد ده

عملت لها بلوك في ساعتها

عوزاني أرد على رجاله..! 

هي

الأول بتقولي.. 

بس انت راجل.. وشغلنا للستات

قولت لها الأكونت باسم راجل..

بس انا ست

قالت لي تقدري تردى على رجاله؟

وتتصوري عريانه؟!

قولت لها حرام عليكى

ردت الرد اللي بعتهولك..!

 أنا زهقت..