كشف الفنان محمد محمود عبدالعزيز، تفاصيل جديدة عن الشخصية التي جسدها في مسلسل برغم القانون، وشخصية محمود شرشر، مشيرا إلى أن نجاح هذا الدور كرم من ربنا سبحانة وتعالى.
وأكد محمد محمود عبد العزيز، في حوار مع الإعلامية إسعاد يونس، مقدمة برنامج صاحبة السعادة، المذاع عبر قناة دي أم سي، مساء اليوم الاثنين، أن قائلا : “إيمان العاصي على المستوى الشخصي بالنسبة لي اكتشاف في المسلسل، إحنا طول عمرنا نعرف بعض” .
وأضاف : “بس لما قربنا من بعض هي بني آدمة جميلة جدا جدا على المستوى الشخصي والفني، إيمان بالنسبة لي اجتهدت جدا وذاكرت جدا، يعني مذاكرة وتحضير يعني بجد فكرة على نيتكم ترزقون” .
وتابع : “هي اشتغلت وكانت حاطة نيتها جدا في الموضوع إنها تعمل حاجة حلوة، وبتحارب إن هي متبانش إيمان اللي طول العمر الناس شايفاها البنوتة الكيوت اللطيفة اللي كل الناس كلها يمكن لو قرأت الورق في المطلق هتبقى متخوفة من فكرة إيمان، لأن إيمان هي البنوتة الجميلة دايما” .
وصرح : “يعني حتى في جعفر العمدة لما كانت مع رمضان، كانت عاملة البنوتة الشعبي بس في النهاية دلال البنوتة الحلوة الشعبي اللطيفة، هنا التحدي بالنسبة لنا كلنا وعلى رأسنا إيمان إن الناس تقتنع إن إيمان واحدة من نسيج هذا الشعب اللي شغالة واللي تعبانة، ده كان تحدي لينا كلنا مش لإيمان بس” .