نعى الفنان محمد رياض الفنان حسن يوسف الذى رحل عن عالمنا صباح اليوم عن عمر يناهز الـ٩٠ عاما.
وقال محمد رياض فى تصريح خاص ل”صدى البلد” : البقاء لله وربنا يرحمه ويسكنه فسيح جناته ، مصر فقدت فنان كبير ومهم وبعزي أسرته الفنية
وأستكمل محمد رياض: حسن يوسف كان فنان كبير وخفيف الروح ومتواضع وبسيط ربنا يرحمه”.
وتوفي صباح اليوم الفنان حسن يوسف، وأقيمت صلاة الجنازة منذ قليل بحضور نجوم الفن.
وأعلن الفنان عمر حسن يوسف عبر صفحته على موقع التواصل الاجتماعي فيسبوك : “بقلوب راضية بقضاء الله وقدره انعي ببالغ الألم وفاة والدي وحبيبي الفنان حسن يوسف وسوف تشيع الجنازة من مسجد الشرطة بالشيخ زايد عقب صلاة العصر ولا نقول إلا ما يرضي الله وإنا لله وإنا إليه راجعون برجاء قراءة الفاتحة”.
بينما كانت آخر كلمات حسن يوسف، خلال برنامج تلفزيونى قال فيه: “أنا الحمد لله بخير وكويس، وبعد وفاة ابني الغالي عبد الله أخدت القرار فورا؛ لأن الوجع اللي جوايا وجع الابن ربنا ما يكتبه على حد خلاني مقدرش أقدم أدوار اللي الناس اتعودت تشوفني فيها، وأنا لسه جوايا الوجع ده ومقدرش أقول غير الحمد لله، دلوقتي أنا مشغول بالقراءة ولو اتعرض عليّ عمل معنديش شرط غير إنه يكون ورق وأجر كويس، لكن غير كده مفيش شهية للشغل، بعد وفاة ابني شفت إن التمثيل ملوش لازمة، بشكرهم على تعاطفهم معايا وإنهم شاركوني على فقد ابني، ولحد دلوقتي بيجيلي تعازي وطول عمركم جنبي ومش مقصرين في تشجيعي وإذا كنت عملت أعمال كويسة وده بفضل تشجيعكم ليّا”.