ملك السفرة في العزومات.. البط المحشي في الكيس الحراري بطريقة سهلة وسريعة

من اشهر الاكلات في العزومات هي طبق البط المحشي وذلك لأنه من أهم اطابق العزومات والذي يفضله العديد من العائلات كما انه يضفي علي السفرة شكل مميز وخاص، وتوجد عدة طرق لتحضير البط المحشي وسوف نوضح في المقال كل ما يتعلق عن المكونات والمقادير وطريقة التحضير كما سنوضح كل اسرار تحضيره.

مكونات البط المحشي

لو بتدوري على وصفة بط مش بتاخد وقت طويل وفي نفس الوقت تطلع دايبة وطعمها لا يفوت فالوصفة دي هتعجبك، وفيما يلي مكونات البط المحشي: 

• بطة وزنها 2.5 ، 3 كيلو.
• كوب أرز مغسول ومصفى.
• بصلة كبيرة مفرومة ناعم.
• نصف كوب كبد وقوانص مقطعة صغير.
• ملعقة سمنة أو زبدة.
• ملح وفلفل أسود وبهارات (قرفة، قرنفل، حبهان، لورا).
• ملعقة صغيرة من الثوم المفروم.
• عصير ليمونة واحدة.
• ملعقة كبيرة خل أبيض.
• كيس حراري للطهي.

خطوات تحضير البط المحشي:

• اغسلي البطة جيدا وانقعيها لمدة ساعة في ماء وملح وخل وليمون لإزالة الزفارة.
• في طاسة على النار، شوحي البصل في السمنة ثم أضيفي الكبد والقوانص وقلبيهم.
• ضيفي الأرز والبهارات وقلّبي الخليط لمدة 5 دقائق بدون تسوية كاملة.
• احشي البطة بالخليط وربطي الأرجل بالخيط أو خيّطي فتحة الحشو.
• ادهني البطة من الخارج بمزيج من الثوم، الملح، الفلفل، وعصير الليمون.
• ضعي البطة داخل الكيس الحراري وأغلقيه، ثم اثقبي الكيس من الأعلى بثقوب صغيرة.
• ضعيها في صينية وادخليها فرن ساخن على 200 درجة لمدة 2، 2.5 ساعة.

اسرار لضمان بط طري وطعم مميز

مهما كانت الوصفة سهلة، في شوية تفاصيل بسيطة بتفرق في الطعم النهائي وبتحول البطة من وصفة عادية لتحفة عزومات، وفيما يلي اسرار ضمان بط مميز:

• اختاري بطة متوسطة الحجم عشان تستوي بسرعة وتكون طرية.
• مهم جدا تتأكدي من غلق الكيس الحراري بإحكام عشان يحبس البخار.
• ممكن تفتحي الكيس آخر 10 دقائق وتحمريها تحت الشواية للون ذهبي جذاب.
• قدميها مع أرز بالشعرية أو خضار سوتيه لطعم متكامل.
• لو حابة تعملي نكهة مميزة، أضيفي برش برتقال أو عسل للخلطة الخارجية.
• متنسيش تحطي البطة في منتصف الفرن عشان تستوي من كل الجوانب.