علّقت الفنانة حنان مطاوع عبر حسابها على موقع تبادل الصور والفيديوهات إنستجرام، على أحداث الحلقة الثامنة من مسلسلها صفحة بيضا.

كواليس مسلسل صفحة بيضا

ونشرت حنان مطاوع صورة لها من كواليس المسلسل، وعلّقت قائلة: «عند كل موقف بنمر بيه، بيكون قدامنا فرصة للتفكير نكمل ولا نرجع؟ دي بداية الحلقة الثامنة من مسلسل صفحة بيضا، واللي شفنا فيها ضي وهي بتتعرض للخيانة من أقرب الناس ليها، عادل ومنتصر.. الاتنين خانوا ثقة ضي، الاتنين باعوها، زي ما أبوها باعها زمان، طب ليه كل ده؟».

تعليق حنان مطاوع بعد عرض الحلقة الثامنة من مسلسل صفحة بيضا

وأضافت: «في دراسات كتير بتأكد أن الشخص اللي بيتربى في بيئة غير سوية ويتعرض للتعنيف في البيت، غالبًا بيجذب ناس شبه اللي اتربى معاهم، ضي سافرت وهربت من تعنيف أبوها، لكنها وقعت في نفس الفخ مع منتصر الخاين الوصولي، وعادل الكذاب المخادع، وده ببساطة لأنها ماعرفتش أنها تستحق أفضل من كده، ده مقدار الحب اللي خدته من أبوها، وده مقدار الحب اللي تعرفه وبس».

واختتمت تعليقها قائلة: «لسه بنشوف ضي وهي بتحارب عشان تجيب الهارد ديسك وتكمل أبحاثها، وتجيب بنتها وتهرب من الضابط إياد».

أبطال مسلسل صفحة بيضا

ويضم مسلسل صفحة بيضا عدد كبير من الفنانين وهم حنان مطاوع، نور محمود، أحمد الشامي، مها نصار، حسن العدل، ميمي جمال، حنان يوسف، وآخرين من تأليف حاتم حافظ، واخراج أحمد حسن.