أكرم حسنى يتحدث عن الخذلان فى بدايته المهنية خليج نيوز

كشف الفنان أكرم حسني عن موقف خذلان مؤلم  تعرض له خلال بداياته المهنية، وذلك أثناء مشاركته في إحدى مسابقات الإذاعة التي كان يحلم من خلالها بدخول عالم الإعلام. 

وقال حسني خلال حواره ببرنامج "معكم منى الشاذلي"، والمذاع عبر فضائية "on": "كان في وقت من الأوقات اللي بقدم فيه في المسابقة اللي اشتغلت من خلالها في الراديو، كان فيه يعني تلاعب كده بالحلم، شخص ما جه قبل الحلقة الأخيرة اللي المفروض نطلع فيها يعلنوا اسم الفايز، إداني أمل أو إحساس إننا هنطلع اللينك اللي جاي في الإذاعة ويعلنوا إنك أنت الفايز، وطلعوا في المسابقة أعلنوا اسم المنافس التاني".

وأضاف: "ماكنتش فاهم... ليه عملت كده؟ ليه جبتني قبل اللينك على طول، قبل ما نطلع هوا، ولعبت بمشاعري بالشكل ده؟"، مشيرًا إلى أنه كان يفضل معرفة الحقيقة بشكل مباشر حتى لو كانت صادمة.

وعن رد فعله وقت إعلان النتيجة، أوضح حسني أنه حاول إخفاء مشاعره قائلًا: "كان عندي مشاعر أول ما أعلنوا اسم زميلي اللي كان منافس، مش عايز أبين إني متضايق علشان زميلي ما يفتكرش إني زعلان إنه هو كسب، بس من جوايا حاسس.. خاصة إنه كان في مؤشرات من قبل كده إن المسابقة كانت بالتصويت، وكان متقالي إن تصويتي أعلى من المنافس"، مؤكدًا أنه رغم الموقف مع هذا الشخص إلا أنه يقابله ولم يتحدث معه يومًا حول ما فعله معه.