فتحوا دماغه بـ"كتر".. فحص منشور تعدى طفلين على ثالث بأوسيم خليج نيوز

تفحص الأجهزة الأمنية بمديرية أمن الجيزة منشورا لفتاة على موقع التواصل الاجتماعي فيسبوك حول تعرض شقيقها الطفل لاعتداء من طفلين بـ"كتر" وتسببهما في إصابته بجرح بالرأس. 

وذكر المنشور أن الحادث وقع بمدينة أوسيم شمال محافظة الجيزة وأنه اثناء الواقعة تصادف مرور ابن عمها الذي هرع لانقاذ شقيقها فما كان من المتهمان إلا أن تعديا عليه بالسلاح الأبيض وإصابته أيضا. 

وشكل اللواء محمد الشرقاوي مدير المباحث الجنائية فريق بحث لكشف ملابسات الواقعة وسبب المشاجرة وفحص المحضر الذي قالت القتا  صاحبة المنشور انها حررته بالفعل. 

وتضمن منشور الفتاة: "اللي حصل إمبارح مع أخويا في أوسيم مش خناقة عيال دي جريمة، وبلطجة ومحاولة قتل
أخويا عنده 13سنة، رايح ياخد درس زي أي يوم، مالوش في المشاكل ودايمًا في حاله وهما من مدرسة طلائع المستقبل، اتنين من سنه، طلعوا عليه فجأة وهو رايح  الدرس ف طريقه على الموقف نحيه عزبه اليمن استنّوه مخصوص وضربوه بكتر في دماغه فتحوله دماغه حرفيًا والدم كان نازل زي المية منظر يقشعر البدن طفل غرقان في دمه عشان اتنين قرروا يبلطجوا عليه من غير أي سبب". 

وأضافت: "اللي كسر قلبي أكتر إن ابن عمي شاف المنظر وهو معدّي كان رايح شغله وشافه صدفه جري يسلك، راح الواد اللي ماسك الكتر ضربه هو كمان وفتح له إيده وايد ابن عمي محتاجه خياطة هو كمان أنا مش ساكته، ومش هسكت والموضوع مش هيعدي كده
ده مش هزار دي جريمة  واللي ماسك سلاح أبيض وضرب طفلين لازم يتحاسب ويتحبس". 

وتابعت: “ليه يعني عيال عندها بتاع 13 سنة تمشي بكتر هي الدنيا بقت عادي كدا كله يقتل ف بعض عادي وأهل الولد اللي فاتح دماغ أخويا يقول أنا معاك من جنيه ل مليون بس تتنازل أي فلوس تعوض الشكل دا أرواح الناس بقت لعبه بالمنظر دا للدرجة دي الدنيا بقت كدا.. أنا عملت محضر، وجبت تقارير طبية، وهتحرك قانونيًا لحد ما حق أخويا يرجع”.