حسام داغر ناعيًا سليمان عيد: "أخيرًا قدرت أمسك الموبايل واكتبلك" خليج نيوز

نعى الفنان حسام داغر، الفنان الراحل سليمان عيد، الذي وافته المنية صباح أمس الجمعة، بعد تعرضه لأزمة قلبية مفاجأة، وسط ذهول وحزن جمهوره ومحبيه ونجوم الوسط الفني.

حسام داغر ينعي سليمان عيد

وشارك حسام داغر، منشورًا عبر صفحته الرسمية على “فيسبوك” ناعيًا سليمان عيد قائلًا: "أخيرًا قدرت امسك الموبيل واكتبلك يا سليمان .. من امبارح بعد صلاة الجنازة وبعد ما شفتك نايم في الخشبة حسيت الدنيا بجد ملهاش لازمة وكله هيمشي.. خلاص كده .. مفيش ضحكتك مفيش هزارك.. مفيش طيبتك.. مفيش خوفك وحبك على الناس ومراعاة مشاعرهم حتى لو على حسابك.. كنت فاكر نفسي طيب لحد ما قابلتك لقيتك مصدر الطيبة نفسها.. شفت حب الناس ليك ازاي.. الناس كانت شايفاك شبهها وقريب منها.. كل عيله فيها  خال أو عم شبهك.. بس مفيهاش اب زيك".

وأضاف: "شفتك مع ولادك وعيلتك وحتى قرايبك عامل ازاي .. جوزت الواد والبت واطمنت عليهم.. كنت خلاص هتبدأ ترتاح من تعب السنين وشقا العمر وتاخد الجماعة وتبدأ تفكر في نفسك.. الحمدلله إنك مشيت ومفيش في نفسك حاجة.. آه لو الناس تعرف كنت راضي قد ايه ومبتكسفش حد قد إيه حتى لو على حساب نفسك".

وتابع: "سبت كل الدنيا و رحت للي أحسن منها في الجنة .. هتشوف أمك وأبوك الي وحشوك كتير وإن شاء الله تنعم بصحية النبي سيدنا محمد في الجنة زي كان كنت بتطلبها في كل صلاة .. كنت جي الدنيا لهدف كبير و هو اضحاك الناس و تشيل عنهم همومهم .. الحمدلله انك أديت الامانه و ارتحت".

واختتم قائلا: "الموت صعب على اللي حبوك و عاشروك بسبب ألم الفراق.. بس انت انا مطمن عليك انك اكيد في احسن مكان.. رجلي مكانتش شايلاني يا حبيبي يا سليمان وأنا شايلك معاهم وهدعيلك من قلبي زي ما كنت بتدعي لأمي يوم ما جيتلي الخاتمة عليها من كام سنة.. الله يرحمك يا أطيب قلب.. الله يرحمك يا سليمان".

لا يزال يُعرض للفنان الراحل أحدث أعماله السينمائية بعنوان "فار بـ7 ترواح"، وهو فيلم كوميدي ساخر يجمع أكثر من 22 نجمًا، من بينهم أحمد فتحي، إدوارد، ندى موسى، ويزو، فرح الزاهد، ومحمد لطفي، الفيلم من تأليف محمد فتحي، وسيناريو محمد فاروق شيبا، وإخراج شادي علي.

اقرأ أيضًا:

حمدي المرغني يتقدم الصفوف في عزاء الراحل سليمان عيد

زوجة أحمد السقا: "سليمان عيد كان دائمًا في منزلنا ولم نسمع عنه إلا كل خير"

علاء مرسي أول الحضور في عزاء الراحل سليمان عيد

الليلة.. عزاء سليمان عيد فى مسجد الشرطة بالشيخ زايد

أستاذ نقد فنى: سليمان عيد ترك أثرًا وحالة طيبة فى حياة الجميع

فيديو مؤثر يجمع سليمان عيد وكريم محمود عبدالعزيز يُبكي القلوب: صداقة لا تُنسى