حمادة هلال: هدف المداح الابتعاد عن الدجل وهذا موقفي من حرمانية الغناء

حل الفنان حمادة هلال ضيف على برنامج أسرار والذي تقدمه الإعلامية أميرة بدر على شاشة قنوات النهار، وكشف من خلاله العديد من التصريحات الخاصة بحياته الشخصية والفنية وسبب نجاح مسلسل المداح ورسالته للجمهور بشأن الجدل والشعوذة.

حمادة هلال يكشف موقفه من حرمانية الغناء: بدعي ربنا يهديني

تحدث حمادة هلال عن موقفه من حرمانية الغناء، قائلا في تصريحات رصدها موقع تحيا مصر: مفيش حد في المهنة معندوش الصراع ده مع نفسه وقبلت ناس كتير في بدايتي بيعلقوا عليا تعليقات قاسية وفي اللي قالي انت بتدمر الأرض وتهدمها أنا مش ضد الراجل ده وكل واحد له رأيه واللي بيقولي حاجة بقوله ادعيلي ربنا يهدينا، وبدعي ربنا يهديني للطريق الصح وكل إنسان بيقدر يحط نفسه في الحتة اللي عارفها كويس.

حمادة هلال عن مسلسل المداح: من أقوي المسلسلات في الدراما 

ووصف حمادة هلال مسلسل المداح بأنه من أقوى المسلسلات في الدراما، موضحا: "المسلسل صعب جدا وله معاني كتير وقبل كل شيء لازم نقول بسم الله ما شاء لله".

ووجه حمادة هلال رسالة للجمهور بشأن الجدل والشعوذة، قائلا: اللي ينجي ويشفي هو الله وابعدوا عن الدجالين وارقي نفسك بنفسك وقول يا رب يفتح لك كل الابواب والرسالة في المداح الابتعاد عن الدجل والشعوذة ودي اكتر حته تبقى الناس فيه صيدة سهلة.

حمادة هلال: أول أجر اخدته كان 5 جنيه وجبت بيه هدية لأمي 

وعن أول أجر أخذه، قال حمادة هلال: كنت بطلع أغني ببلاش ومكنتش عايز فلوس وكان المهم بالنسبة لي أغني وبعد كده أخذت 30 في40 وأول 5 جنيهات أخذتها جبت هدية لأمي كانت إيشارب ووالدي كان تعبان ودي من الحاجات اللي خلتني أبعد فترة عن الغناء، واكتسبت منه الغناء الجانب الإيجابي وتعلمت من السلبي وشوفت اللي مشي في السلبي حصل له إيه وممكن أكون في غناء الأفراح عيشت في الزاوية الحمراء وما زال صحابي وحتتي هناك لكن أنا اتولدت في الشرقية.

وتحدث حمادة هلال عن مواقف حدثت له أثناء زيارة السيدة نفيسة، مشيرا إلى أنه حريصا على زيارته دائما وموضحا: بروح كل فترة بس بحاول اتخفى شويه عشان معملش قلق.